O municipio de Carballo ten unha extensión de 186 km² repartidos entre as 18 parroquias que compoñen o municipio, e a súa poboación supera os/as 31.000 habitantes. O 60% concéntranse no seu núcleo urbano, e a cobertura do servizo está próxima ao 75%. O número de subscritores/as é superior a 13.000, e o volume medio de auga distribuída está próximo a 5.500.000 l/día (media anual).
A captación de auga realízase no río Anllóns, e chega á ETAP de Carballo (120 l/s), para o seu tratamento, dende onde se distribúe ao municipio. A rede de distribución ten unha lonxitude de 171 km, con diferentes diámetros e materiais, e o polietileno representa o 55% do total da rede. Outros materiais son o fibrocemento, PVC, ferro, e fundición.
A rede na zona urbana e no polígono é mallada e ramificada no resto. Carballo conta con 1.182 válvulas de seccionamento, 9 válvulas redutoras, 4 válvulas de desaugadoiro e 3 depósitos de regulación e almacenamento, cunha capacidade total de 12.100 m³.
Na actualidade a rede municipal de colectores de rede de sumidoiros abrangue a maioría dos núcleos de poboación existentes no concello de Carballo, definido nos seguintes subsistemas: Razo, Rebordelos, Oza, Cances, Bértoa, Sísamo, Berdillo, Artes, Sofán, Ardaña, Carballo (zona rural), Carballo (zona urbana).
Cada un deles conta coas súas propias instalacións e infraestruturas para a xestión do saneamento, garantindo a funcionalidade hidráulica e ambiental do sistema.
O sistema global conta con 251.151 m de colectores en diferentes materiais (fibrocemento, gres, formigón, PVC, polipropileno e polietileno), e dá servizo aos/as máis de 31.000 habitantes do concello, distribuídos en 314 entidades de poboación e 18 parroquias, agrupados nos subsistemas anteriores. En canto ás instalacións coas que conta o sistema de saneamento destacaremos: 26 bombeos de augas residuais, 13 foxas e 11 EDAR, para darlle cobertura ao 91% da poboación.
