Factura Electrónica

Que é unha factura electrónica?

“Unha factura electrónica é un documento electrónico que cumpre cos requisitos legal e regulamentariamente esixibles ás facturas e que, ademais, garante a autenticidade da súa orixe e a integridade do seu contido, o que impide o repudio da factura polo seu emisor” (Lei 56/2007, de medidas de impulso da sociedade da información).

“As facturas poderán expedirse por calquera medio, en papel ou en formato electrónico, que permita garantir ao obrigado á súa expedición a autenticidade da súa orixe, a integridade do seu contido e a súa lexibilidade” (Regulamento das obrigas de facturación aprobado por Real Decreto 1619/2012).

As nosas facturas electrónicas teñen a mesma validez legal que as facturas en formato papel, xa que incorporan medios que garanten a autenticidade da súa orixe e a integridade dos documentos así remitidos.

Cales son as vantaxes?

As facturas en formato electrónico substitúen a documentación en papel e permiten aforrar o espazo de almacenamento, melloran a dispoñibilidade da información e a seguridade, e poden ser consultadas en calquera momento e dende calquera situación, evitando ademais, o consumo de papel e os recursos de impresión de forma innecesaria.

Como solicitala?

Se é vostede titular do contrato pode solicitala de forma telefónica ou por correo electrónico, na súa oficina comercial. Se vostede xa é usuario/a da nosa oficina virtual, recibirá o aviso por correo electrónico da dispoñibilidade da súa factura. En caso de desconformidade, deberá comunicar á súa oficina o seu desexo de seguir recibindo a súa factura en papel. En calquera momento, se vostede desexa volver recibir as facturas en papel, só ten que poñerse en contacto coa súa oficina.

Consulte o noso Folleto de Factura Electrónica para máis información.