O compromiso de Gestagua é dotar a xestión do servizo da última tecnoloxía dispoñible, enfocada tanto á mellora da produtividade dos nosos equipos coma ao servizo ofrecido aos nosos clientes e clientas. No noso día a día utilizamos os últimos dispositivos de detección de fugas, de control de proceso e calidade da auga, sistemas de información xeográfica, dispositivos móbiles…, para nós o bo uso da tecnoloxía é un dos elementos básicos da nosa xestión, axudándonos a lograr a mellora continua do servizo.
O ámbito GEA pon toda a información coordinada do sistema a disposición dos seus interesados de forma precisa, concreta, clara e inmediata, a través de medios de fácil acceso, ao alcance de todos/as.
Os sistemas automatizados de control de proceso permiten coñecer en tempo real como se comporta todo o sistema, as alarmas das instalacións, o control da produción, así como o mantemento preventivo e correctivo na rede.
O control de calidade da auga realízase en tempo real e de acordo co R.D. 140/2.003 polo que se establecen os criterios sanitarios da calidade da auga de consumo humano. Os datos son enviados constantemente ao Sistema de Información Nacional de Augas de Consumo.
